تلخص نص النزعة العقلية

نحن لم ندرس النص بعد

اريد ايضا تلخيص نص النزعة العقلية ارجووووووووووووكم

التلخيص موجود على قوقل

مما لاحظت ان اغلبية الاسئلة عبارة عن من فضلكم تلخيص النص الفلاني بامكاني ان امنحك التلخيص و لكن لما لا تحاول بنفسك النصوص المراد تلخيصها جميعها للسنة الثانية ثانوي الفائدة من التلخيص في هذا الطور تحديدا هو تدريب التلميذ على التلخيص لانه في شهادة البكالوريا هناك سؤال في نهاية اسئلة البناء الفكري لخص النص او لخص القصيدة و مبعد نتا ارواح لقوقل يلخصلك ولا ابدا اخرط و كي ما تديش العلامة قول علااه و علاوة عن كل هاذا في الثالثة ثانوي الاستاذ غير مطالب انو يعاود يعلمك كيفاه تلخص لانك سبق و قريتيه مالا ابدا اتعلم من درك ماشي حتى يوصل الوقت وولي ادعي بالدعاوات لمقلبة ااااا الاستاذ ما قرانيش فيها الله لا تربحو ولا ااا الاستاذ لي صحح حقرني عطاني 0عالتلخيص و انا متاكد صحيح

شوووف اولا التلخيص عليه 3 نقاط اولا الحجم ثم المضمون ثم سلامة اللغة و الاسلوب اول حاجة المصحح يشوف مع الحجم اذا لقاه حجم مقبوول راح يعطيك نقطة لولة و يزيد ينقطك على المضمون اذا كان مضمونك سليم من ناحية ترتيب الافكار راح يعطيك نقطة تانية بصحتك اذا لقاك عاودتي نص لخصتيه باستعمال اسلوب الكاتب كيما يعمل البعض يحكم النص يهز جملة كيما راها و يحطها هنا راك خدمتي باسلوب الكاتب و ليس اسلوبك تروحلك نص نقطة و سلامة اللغة اذا كان عندك اربعة اخطاء او ما فوق تروحلك النقطة خلااص و نزيد نوضح حاجة اذا كان حجم التلخيص لا يتماشى مع الحجم المقبول او يحطلك ديراكت صفر ما يقرا ما يكسر راسو

لذا خطوات التلخيص هي كالتالي :

-قراءة النص او القصيدة قرائة متانية و فهمه فهما دقيقا

- استخراج الكلمات الغامضة و تعويضها بالمرادف لها (يعني نتا كي تلقا كلمة غريبة و فهمتي معناها اشرحها و عوضها بالكلمة لي شرحتيها في تلخيصك ماش تخليها كيما راهي و لكان ما فهمتيهاش خلاص ما تحطهاااش باسك هنا الطامة الكبرى توظف كلمة و نتا ما عبالكش فيها اصلا وش هي )

-استخراج الافكار الاساسية (مالابتدائي و نتوما تخدمو بطريقة الافكار العامة مكاه لي ما يعرفش يجبدهم قسم النص تاعك و لا لقصيدة تاعك حسب الافكار و اجبد الافكار في ورقة اوساخ و حطهم حداك و زيد اغلبية اسئلة البنااء الفكري تكون اجبوتها عبارة عن افكار اساسية نتا برك عاود صيغ الاجوبة كافكار )

-نحذف جميع الاقوال و الامثلة و الشرح و الصور البيانية و ..الخ ( مثلا الشواهد التي اعتمدها الكاتب اكل تحذفها ما تحطهاش فتلخيص و الامثلة تاني شطبها ما تحطهااش الصور البيانية و المحسنات البديعية اكل شطبهاا الاقوال تاني احذفها باسك كاين نصوص تلقى فيها مثلا يقول احد الشعراء او الادباء هادي وسي نحيها بلبلة فارغة الشرح نحييه و ين تلقا الكاتب بدا يشرحلك في حاجة ولا حكاية نحييه )

-تحرير الموضوع اي بداية التلخيص مع احترام تسلسل الافكار كما في النص و توظيف الروابط المنطقية للربط بينها ( هنا الخطوة لي تحبوها اكل و هي تاع تبدا تلخص بصح بشرط احترم ترتيب الافكار ماشي تروح تحط لفكرة لخرة هيا لولة و تبدا صفر ديراكت على عنصر المضمون لازم توضف ادوات الربط ماشي تدخل عليها منين تكمل جملة ولا فكرة حط فاصلة حط نقطة و لا ادخل عليها اكل ووو ولا ثم ثم لا ادوات الربط بزاف الله يبارك خير لي يناسبك و اربط بيه و يكون منطقي )

*ملاحظات

_حجم النص الملخص هو ربع او ثلث النص الاصلي يكون في سبعة اسطر او ثمانية لا يتعدى ثمانية اسطر يا جماعة لا فتيهم اعرف بلي راك بديتي تخرط و بديتي تروح فلفيد اما بالنسبة للقصيدة تلخيصها راح يكون في 3 اسطر تفوت ثلاث اسطر صفر مباشرة سطرين او سطرين و نصف مقبول لكن تاع اقل من سطرين او اكثر من ثلاث فلا نصيب لك من العلامة

- يجب مراعات الاسلوب الخاص بك ( يعني ماشي تدير نسخ لصق كيما وحد جماعة و كي تروحلو نقطة يقلك علاه صحيح و متاكد من روحو صحيح اي غالطة تاع تهز الجملة كيما محطوطة بعد و تكتبها هاكداك ما ولاش تلخيص راه ولا تقليص التلخيص يكون باسلوبك الخاص اي الجملة تبدلها كليا بصيغة اخرى ماش تجيب جملة خلااف لا علاقة خليك في المضمون غير الصيغة برك )

التلخيص لازملو تمرن و مادامك دوزيام اتمرنو من درك اسيدي لخص وحدك فدار و ادي للاستاذ يشوف و قلو يصححلك ماشي عيب ولا نشعة بالعكس الاستاذ يحب التلاميذ لي عندهم رغبة في التعلم و استدراك اخطائهم

و نتمنى تكون اجابتي افادتكم