سؤال ديما يراودني و ما لقيتلوش اجابة هوا علاه مرات تحس موقف صرالك مقبل بصح ناسي وين

تن

سؤال فلسفي هادا و عندو بزاف اجابات متضاربة راح نحاول نجاوبك عليه باختصار مثلا تاع تروحي لبلاصة اول مرة تروحيلها و لا تصرالك هكدا حادثة او مرة تصرالك بصح تحسها صراتلك مقبل و لا لبلاصة هاديك شفتها مقبل و كي تهدر قدام واحد كبير يقلك او سير شفتها فكاش حلم و كي تقلو فسرلي كتر يقلك سااهلة الانسان بطبيعتو يحلم و بعض الاحلام ينساها تاع تحلمي حلم و كي تفطن صباح تحاول تتفكر و ما تتفكرش تقول والله حلمت حلمت و متاكد من روحي شفتو بصح نسيتو و تحاول تتفكر والو يقلك هاداك لحلم لي شفتيه و نسيتيه كشغل رؤيا من عند الله ولا حاجة كيما هك ضك كي صراتلك لقطة منو تفكرتي و يعتبر روحو جاوبك زعم على سؤالك و نتا بطبيعة الحال راح تعتبر انو هادي هي الاجابة المنطقية و الوحيدة لكن لااااا كون تجي تشوف تلى هاد السؤال الي يبانلك كانو ولا شي تلقا بلي عندو عدة اجااابات كي تجي تشوف للديانات الاخرى عدا الاسلام كالمسيحية و اليهودية و البوذية و العديد من الديانات يفسروها بظاهرة استنساخ الارواح و عندها بزاف اسماء اخرى الحياة السابقة و الولادة من جديد هوما يامنو بزاف بحكاية الحياة السابقة و القادمة يقلك بلي الروح تسافر عبر الزمن اي ان الانسان بعد موتو الروح تاعو تتبعث في جسد اخر و يقلك بلي الذكريات هادي ما هي الا ذكريات عن حياتك السابقة و تلقا عندهم يقلك الحاجة لي تخاف منها بزاااف بدون اي سبب مقنع هي سبب موتك في حياتك السابقة و لا انسان تكرهو تان بدون سبب مقنع هو انسان كنتي تكرهو في حياتك من قبل و هكذا تستمر الاقاويل و يعتبر الفيلسوف كارل ماركس لي هوا صاحب مقولة التاريخ يعيد نفسه سكعناها بزاف هاد العبارة كارل هنا يعتبر بلي التاريخ و احداثو عبارة عن دائرة مغلقة و الاحداث هادي تتكرر في كل حقبة زمنية بشكل اسهم تطلق في كل صوب و بما ان الدائرة مغلقة هاد السهام راح ترتد و منه هبارة التاريخ يعيد نفسه و بقا كل واحد وش يقول الى ان جاء الاسلام و قال بلي الانسان قدره مسطور من عند الله اي انو مكتوب و مقرر ديجا قبل ما يولد حنا برك فدارجة تاعنا نقولوها لي مكتوب على الجبين ما يمحوه اليدين و يقول انووالجنين قبل ما يولد الله يوريلو دورة حياته كلها و بعد ما يولد راح ينسى كلش لذا فسرو بعض المواقف و الاماكن لي يحس الانسان انو شافها مقبل رغم انو اول مرة يشوفها الى انو شافها مقبل صح و هاذا يوم شاف دورة حياتو قبل ما يبعث الى الدنيا و هناك نظرية انا غير متاكدة من صحتها دينيا انو ادم و حواء بعد ما نزلو من الجنة الى الارض نسو كل شيء متعلق بها و تذكرو فقط اشياء قليلة بعد نا شافو دلالات عليه في الارض و من هنا جاب افلاطون نظرية عالم المثل و المثل هنا كيما نقدرو نقولو الجنة او شيء مشابه لها لانو افلاطون بكري ماكانش مسلم ولا يعرف حاجة على الاسلام هو فقط جاب هاد النظرية و قال ان عالم المثل اصل كل موجود ضك عبالي بعض الاراء راح تقول هادي وش تخرط ولا وش تهدر اولا انا لست بفيلسوفة او مفتية انا فقط مر علي هاذ السؤاال في كتاب سبق و قراته بما يدعى بكتاب مقارنة الاديان و هو كتاب جد كبير يحتوي على عدة اسئلة و اجاباتها في الاديان و اجابة هاد السؤال كانت في العديد من الصفحاااات و انا فقط اجبتك عنها بما يتذكره عقلي و اتمنى ان اكون قد ازلت عنك بعض الغمووض

هاديك كي تكوني في بطن امك ربي يوريلك حياتك كومبلي حتى الموت. احيانا تحسي الموقف صاريلك من قبل بصح انت شاهدتيه فقط والآن راكي تعيشي فيه

عجبني الرد...برافو*~~*✓

هادي ظاهرة اسمها ديجافو

كلمة ديجافو (بالإنجليزية: Deja Vu) هي كلمة فرنسية تعني 'شوهد من قبل'، حيث يتهيأ للشخص تكرار حدوث موقف أو مشهد ما، بالرغم من أنه لم يسبق وقد حدث فعلاً، أو قد يشعر بأنه قد سبق وأن رأى مكان يزوره لأول مرة أو شخص آخر لم يره من قبل.